Недеља Православља у Лос Анђелесу, 24. и 25. фебруар 2007

Тријумф Православља прослављен двоструко: свеправославним вечерњем у Гети Музеју (изложба Синајских икона) и Литургијом у Православним храмовима Богородичиног Града Лос Анђелеса.
Недеља Православља! Тријумф православне вере у боголикост и христоликост човека! Победа истинског богохуманизма! Тако би се могао окарактерисати овај предивни Дан који је Црква посветила спомену на оне који преминуше у вери да је Човек слика Божија, да је Христос слика Очева, и да је кроз Оваплоћење неописиви Бог (по природи) постао описив у људском лику и облику који је Христос имао! Стога певамо: Пречистому образу Твоему покланяемся, Благий,/ просяще прощения прегрешений наших, Христе Боже:/ волею бо благоволил еси плотию взыти на крест,/ да избавиши яже создал еси от работы вражия./ Тем благодарственно вопием Ти:/ радости исполнил еси вся, Спасе наш,\ пришедый спасти мiр.
Ево и данас, 2007. године, радујемо се овом Празнику.
Празник Недеље Православља обележен је најпре у суботу вече, у познатом Музеју Гети (Getty), у Лос Анђелесу, свеправославним вечерњем које је предводио Епископ Западноамерички Максим, а у присуству неколико хиљада верника. Служило је тридесетак свештеника из различитих јурисдикција на западнамеричкој обали. После вечерња Епископ Максим је одржао свечану хомилију-беседу о Иконама, да би после тога сви заједно прочитали Синодик Недеље Православља. Потом је уследила литија са иконама кроз холове музеја која је прошла и кроз изложбени простор са Синајским иконама (изложба је отворена у новембру 2006, а траје до 5. марта 2007).

Сутрадан, у недељу, у катедралном храму Светог Стефана, служена је Света Архијерејска Литургија која је завршена свечаним опходом са иконама које су носила деца и православни верници.
Ныне благочестия светлость всем распростреся,/ разгоняющи лесть нечестия яко облак,/ просвещающи же сердца благочестивых;/ приидите вси припадем,/ благочестивомудренно честным иконам Христовым\ покланяющеся православнии.

Доносимо у прилогу неколико песама и стихира које се певају за Празник Прве Недеље Поста.

Священнообразными иконами/ ныне украшается,/ яко невеста украшена Христова церковь,/ и всех созывает духовно праздновати;/ снидемся во единомыслии и вере,\ радостно величающе Господа.
Мiре весь веселися:/ се бо Господь низложи с высоты/ нечестия державу/ неизреченным промышлением./ И смиреннии вознесохомся днесь к вере православия,\ благочестивою царицею наставляеми.
К Первообразному носится,/ глаголет Василий, честь иконы:/ сего ради в любви почитаем иконы/ Спаса Христа, и святых всех;/ да сих собравше,\ никогдаже ныне злочестием отведемся.

Безначальным, и Божественным естеством невидимый,/ человек виден бысть Отроковице,/ от чистых Твоих кровей, за крайнее благоутробие;/ Егоже плоти написавше подобие,/ честно поклоняемся вси вернии,\ и благочестно величаем.
Губительства тлетворнаго/ избегше злославных,/ православия сиянием,/ сердцами просветимся,\ вернии, Бога славяще.
Ариева нечистая/ упразднися прелесть,/ Македония, Петра,/ Севира же и Пирра;\ и светит Свет Трисолнечный.
Не ктому злочестивых/ похваляется мрачное учение:/ Бог бо православным,/ изволением Феодоры,\ жезл крепости дает.
Тя Непостижимаго,/ прежде денницы безначально из Невещественнаго возсиявшаго,/ безплотнаго же чрева Родителева,/ пророцы, Господи, Твоим Духом вдохновени,/ прорекоша отроча быти,/ из Неискусобрачныя воплощаема,/ человеком совокупляема, и сущими на земли зрима:/ имиже яко Щедрый просвещения сподоби Твоего,\ воспевающих неизреченное, и честное Твое воскресение.

Словом Тя проповедавшии/ Богоглаголивии пророцы,/ и делы почетшии,/ безконечную жизнь приплодиша;/ твари бо, Владыко, паче Тебе Содетеля,/ служити не претерпевше,/ мира всего евангельски отвратишася,/ и сообразни быша страсти Твоей,/ юже провозвестиша;/ ихже молитвами, сподоби/ непорочно прейти воздержания поприще,\ едине Многомилостиве.
Естеством неописанный Божественным Твоим сый,/ на последняя Владыко воплощься,/ изволил еси описоватися:/ плоти бо приятием, и свойства вся сея взял еси./ Темже вид Твой образования описующии/ любезно целуем,/ к Твоей любви возвышаеми,/ и исцелений благодать почерпаем из него,\ апостольским последующе божественным преданием.
Пречестное украшение Христова Церковь,/ честных прият и святых икон,/ Спаса Христа и Богоматере, и всех святых/ светлейшее возставление,/ имже просвещается,/ и красуется благодатию,/ и сонмище отлагает еретическое изгонящи;/ и радующися славит Человеколюбца Бога,\ ея ради претерпевша страсти вольныя.

Благодать возсия истины,/ прообразуемая древле сеновно,/ ныне явленно скончася:/ се бо Церковь воплощенным образом Христовым,/ яко прекрасною утварию облачится,/ скинии свидения образ пронаписующи,/ и православную веру содержащи;/ да Егоже почитаем,/ Сего и образ держаще, не прельщаемся./ Да облекутся в студ сице неверующии:/ нам бо слава зрак Воплотившагося/ благочестно покланяемый, не боготворимый./ Той облобызающе вернии возопиим:/ Боже, спаси люди Твоя,\ и благослови достояние Твое.
Радуйтеся, пророцы честнии,/ закон Господень добре учинившии,/ и верою явльшиися необоримии столпи неуклоннии;/ вы бо и ходатаи явистеся Новаго Завета Христова,/ и преставившеся на небеса./ Того молите, умирити мiр,\ и спасти души наша.

Из нечестия во благочестие прешедше,/ и светом разума просветившеся,/ псаломски руками восплещим,/ благодарственно хвалу Богу приносяще:/ и на стенах, и дсках, и на священных сосудех,/ начертанным священным образом Христовым, и Пречистыя, и всех святых,/ честно поклонимся,/ отлагающе злочестную злославных веру:/ [честь бо образа, якоже глаголет Василий, на первообразное преходит,]/ просяще молитвами Пречистыя Твоея Матере, Христе Боже наш, и всех святых,\ даровати нам велию милость.

Плещуще с веселием днесь вернии возопиим: коль чудна дела твоя Христе, и велика сила, наше единомыслие и согласие соделавый!
День радостный богомудреннии приидите совершим, ныне небо и земля веселитеся, и ангелов чини, и человеков собрания изрядно празднующе.
Превелие благодеяние видяще, руками восплещим: разстоящыяся уды Христовы, совокуплени во единство, и Бога похвалим мир подавшаго.

Не ктому нечестивых еретиков ныне бровь вземлется: Божия бо сила православие удержала есть.
Облацы пророчестии, животворящую с Небесе днесь росу нам да кропят, на востание веры.
Благогласно тайныя апостолов Христовых трубы, паче естества да вопиют, честных образов исправление.